Transcription
1
Monseigneur, monsieur le tresorier de La Boisse m’aiant chargé de quelque affaire
2
en Languedoc où jespère m’acheminer en brief, faict que je vous supplie
3
me voulloir excuser si je ne vous voys presentement trouver, tant pour vous
4
randre raison des payemens faictz aux deux compaignies de ceste ville
5
et comme jay donné ordre pour celle de Dye, que pour vous supplier comme
6
je faiz très humblement monseigneur, de me voulloir expedier l’estat de la
7
despense que je vous ay envoyé qui revient, compris les pensionnaires
8
payez pour trois mois à la somme de XIIII m[ille] CLVII L[ivres], comme il a esté porté
9
par icelluy, affin qu’à mon retour, je le puisse trouver en cestedite ville,
10
et qu’à ceste occasion, je puisse acourcir mon voiage de France, duquel
11
je suis fort pressé. Toutesfois, monseigneur, si je pensois quil vous
12
pleust m’honorer de voz commandemens en quelque chose, je ne fauldrois
13
(toutes choses cessans) de vous aller trouver pour les recevoir. Surquoy,
14
Monseigneur, je seray en cella et tout autre chose actendant votre bonne
15
Volonté.
16
Monseigneur, je supplie le Createur quil vous doinct en parfaicte santé
17
et prosperité, très bonne, très heureuse et très longue vye. De
18
Vallence, ce VIIme jour de sepbre 1571
19
Votre très humble très obeissant et très affectionné
20
serviteur
21
Froment